៣សំណួរចម្លើយ គួរយល់ដឹងអំពីការរក្សាចម្ងាយពីគ្នា ដើម្បីការពារជំងឺកូវីដ១៩

Thanks! Share it with your friends!

You disliked this video. Thanks for the feedback!

៣សំណួរចម្លើយ គួរយល់ដឹងអំពីការរក្សាចម្ងាយពីគ្នា ដើម្បីការពារជំងឺកូវីដ១៩ (Video inside)

(ភ្នំពេញ)៖ ក្រសួងសុខាភិបាល បានផលិតវីដេអូសំណួរចម្លើយអប់រំខ្លីមួយ អំពីភាពចាំបាច់នៃការរក្សាចម្ងាយពីគ្នា នៅគ្រាដែលកំពុងកើតមានការរីករាលដាលនៃជំងឺកូវីដ១៩។

ខាងក្រោមនេះ ជាសំណួរចម្លើយទាំង៣ ដើម្បីជួយបញ្ច្រាបការយល់ដឹង អំពីភាពចាំបាច់នៃការរក្សាចម្ងាយពីគ្នា៖

១៖ តើការរក្សាចម្ងាយពីគ្នា ដើម្បីកុំឆ្លងជំងឺកូវីដ១៩ មានន័យយ៉ាងដូចម្តេច?
ចម្លើយ៖ ការរក្សាចម្ងាយពីគ្នា សំដៅយើងនៅឆ្ងាយពីគ្នា នៅឆ្ងាយពីកន្លែងដែលមានមនុស្សច្រើន ហើយនឹងកន្លែងដែលយើងបារម្ភថា មានការរាតត្បាតដោយជំងឺកូវីដ១៩។

២៖ ចុះយើងចាំបាន់រក្សាចម្ងាយពីគ្នាធ្វើអីទៅ ?
ចម្លើយ៖ ការរក្សាចម្ងាយពីគ្នា ជួយបង្ការកុំឲ្យមានការរាតត្បាតនៃជំងឺកូវីដ១៩ សម្រាប់យើងដែលកំពុងរស់ នៅក្នុងដំណាក់កាលនៃការរាតត្បាតដោយជំងឺនេះ។ ការនៅឆ្ងាយពីគ្នា គឺបង្ហាញអំពីការយកចិត្តទុកដាក់របស់យើងចំពោះខ្លួនឯង ក៏ដូចជាអ្នកដទៃ ទោះបីជាយើងមានសុខភាពល្អ ហើយនៅក្មេង ក៏ប៉ុន្តែយើងដឹងហើយថាជំងឺកូវីដ១៩ ងាយឆ្លងពីមនុស្សម្នាក់ទៅមនុស្សម្នាក់ទៀត តាមរយៈតំណក់ទឹកតូចៗ ដែលចេញពីរាងកាយរបស់មនុស្ស ហើយអ្នកដែលងាយរងគ្រោះបំផុត ដែលយើងគួរតែការពារ គឺចាស់ជរា និងអ្នកដែលមានជំងឺរ៉ាំរ៉ៃប្រចាំកាយ។

៣៖ តើយើងគួរធ្វើអ្វីខ្លះទៅ ?
ចម្លើយ៖ យើងត្រូវនៅផ្ទះឲ្យបានច្រើន តាមដែលអាចធ្វើទៅបាន មិនត្រូវទៅកន្លែងដែលមានមនុស្សច្រើន ឬក៏ចូលរួមកម្មវិធីដែលមិនចាំបាច់ ហើយត្រូវរក្សាចម្ងាយពីអ្នកដទៃ យ៉ាងហោចណាស់ឲ្យបាន២ម៉ែត្រ នៅពេលយើងជួបគ្នាយើងគួរតែសំពះ ជៀសវាងការចាប់ដៃ ជៀសវាងការប្រើប្រាស់មធ្យោបាយធ្វើដំណើរ ឬជណ្តើរយន្តដែលមានមនុស្សច្រើន គួរតែធ្វើការពីផ្ទះបើសិនជាយើងអាចប្រើប្រាស់បច្ចេកវិទ្យាមកជំនួសបាន ហើយអ្វីដែលគួរធ្វើជាប្រចាំ គឺត្រូវលាងដៃឲ្យបានញឹកញាប់ជាមួយសាប៊ូ ឬអាកុលជែលលាងដៃ ពាក់ម៉ាសហើយកុំប៉ះពាល់មុខមាត់របស់យើង៕

* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv