លោក ស៊ូ សុជាតិ៖ ធនាគារអេស៊ីលីដា ជាក្រុមហ៊ុនចុះបញ្ជីមានគុណភាព ជួយជំរុញសន្ទុះនៃការជួញដូរភាគហ៊ុន...

Thanks! Share it with your friends!

You disliked this video. Thanks for the feedback!

លោក ស៊ូ សុជាតិ៖ ធនាគារអេស៊ីលីដា ជាក្រុមហ៊ុនចុះបញ្ជីមានគុណភាព ជួយជំរុញសន្ទុះនៃការជួញដូរភាគហ៊ុននៅកម្ពុជា (Video inside)

(ភ្នំពេញ)៖ លោក ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា (SECC) បានលើកឡើងថា ធនាគារ អេស៊ីលីដា គឺជាក្រុមហ៊ុនចុះបញ្ជី លក់មូលបត្រកម្មសិទ្ធិ (ភាគហ៊ុន) មួយ ដែលមានគុណភាព ក្នុងការជួយជំរុញសន្ទុះផ្សារភាគហ៊ុនកម្ពុជា ខណៈដែលក្នុងមួយថ្ងៃមានអ្នកទិញ-លក់ភាគហ៊ុន ក្នុងរង្វង់ជាមធ្យម៤០០ ទៅ៥០០នាក់។

ថ្លែងក្នុងកម្មវិធី «ភ្ញៀវពិសេសប្រចាំសប្ដាហ៍» របស់ទូរទស្សន៍ Fresh News លោក ស៊ូ សុជាតិ បានបញ្ជាក់យ៉ាងដូច្នេះថា «បន្ទាប់ពីធនាគារអេស៊ីលីដា ចុះបញ្ជី (បញ្ជីលក់មូលបត្រកម្មសិទ្ធិ-ភាគហ៊ុន) ហើយយើងមានអ្នកទិញអ្នកលក់ ក្នុងរង្វង់ជាមធ្យម៤០០ ទៅ៥០០នាក់ ក្នុងមួយថ្ងៃ...ជាចំនួនមួយ ដែលសមប្រកប ដែលធៀបនឹងឆ្នាំ២០១៩»។

អគ្គនាយកគណៈកម្មការមូលបត្រកម្ពុជាបានបញ្ជាក់ទៀតថា «ភាគហ៊ុន អេស៊ីលីដា គឺជាភាគហ៊ុនមួយដែលមានអ្នកទិញអ្នកលក់ច្រើន អីចឹងហើយធ្វើឲ្យចំនួន អ្នកទិញកើននៅក្នុងទីផ្សារមូលបត្រ ដែលធ្វើឲ្យទីផ្សាររបស់យើងសកម្មជាងមុន ទោះបីមានបញ្ហាប្រឈម [បញ្ហាកូវីដ១៩] ប៉ុន្ដែភាពសកម្មនេះ ដោយសារតែយើងទទួលបានក្រុមហ៊ុនចុះបញ្ជីមួយ ដែលមានគុណភាព [អេស៊ីលីដា]»។

លោក ស៊ូ សុជាតិ ក៏បានឲ្យដឹងផងដែរថា ក្នុងដំណាក់កាលនៃការលក់ដំបូង របស់គណៈកម្មការមូលបត្រកម្ពុជា ក៏ជួបប្រឈមជាមួយវិនិយោគិនដែរ ព្រោះថា អ្នកវិនិយោគិនមួយចំនួន មានការរារែក ប៉ុន្តែនៅតែមានវិនិយោគិន ដែលមានភាពច្បាស់លាស់ ដែលឲ្យឈ្មោះថា វិនិយោគិន ដែលបានផ្ដល់នូវទំនុកចិត្តខ្ពស់មកផ្សារមូលបត្រកម្ពុជា។

គូសបញ្ជាក់ថា ធនាគារ អេស៊ីលីដា ភីអិលស៊ី ជាធនាគារពាណិជ្ជទី១ នៅក្នុងប្រវត្តិសាស្ត្រទីផ្សារមូលបត្រនៅកម្ពុជា ដែលបានចុះបញ្ជីលក់មូលបត្រកម្មសិទ្ធិ (ភាគហ៊ុន) នៅផ្សារមូលបត្រកម្ពុជា។

ភាគហ៊ុនរបស់ធនាគារអេស៊ីលីដាជាង៤លានហ៊ុន ស្មើនឹង១ភាគរយនៃភាគហ៊ុនសរុបរបស់ធនាគារ ត្រូវបានចុះបញ្ជីលក់ នៅផ្សារមូលបត្រកម្ពុជា។ តម្លៃនៃការជួញដូរមូលបត្រជាសាធារណៈលើកដំបូង (IPO) របស់អេស៊ីលីដា មានតម្លៃ១៦,២០០រៀលក្នុង១ហ៊ុន។ តម្លៃ IPO នេះ ធ្វើធនាគារប្រមូលទុនប្រមាណជាង១៧លានដុល្លារ។ ថ្ងៃទី២៩ ខែមិថុនា ឆ្នាំ២០២០នេះ តម្លៃភាគហ៊ុននៃការជួញដូរចុងក្រោយរបស់អេស៊ីលីដា មានតម្លៃ ១៨,៣០០រៀលក្នុងមួយហ៊ុន៕

* ទូរទស្សន៍ព័ត៌មាន Fresh News ផ្សាយគ្របដណ្តប់ទូទាំងប្រទេសតាមរយៈផ្កាយរណប និងខ្សែកាប PPCTV ប៉ុស្តិ៍ 76, DTV ប៉ុស្តិ៍ 19, SkyOne ប៉ុស្តិ៍ 26, One TV ប៉ុស្តិ៍ 18, CCTV ប៉ុស្តិ៍ 37 និងទូរទស្សន៍ខ្សែកាប ២៥រាជធានី-ខេត្ត និងផ្សាយព័ត៌មានថ្មីៗចុងក្រោយតាមប្រព័ន្ធ App, Website, TV Channel, Radio, YouTube, Facebook, English, Chinese, Telegram.