យុវតីនៅឃុំស្អាងភ្នំ ខេត្តកណ្ដាល៖ «ខ្ញុំមិនគាំទ្រទង្វើរបស់ សម រង្ស៉ី ដែលប្រមាថព្រះមហាក្សត្រ ...

Thanks! Share it with your friends!

You disliked this video. Thanks for the feedback!

យុវតីនៅឃុំស្អាងភ្នំ ខេត្តកណ្ដាល៖ «ខ្ញុំមិនគាំទ្រទង្វើរបស់ សម រង្ស៉ី ដែលប្រមាថព្រះមហាក្សត្រ និងមិនចង់ឲ្យវិលចូលសុ្រកខ្មែរវិញទេ» (Video inside)

(កណ្ដាល)៖ យុវតីនៅឃុំស្អាងភ្នំ ស្រុកស្អាង ខេត្តកណ្ដាល បានលើកឡើងថា រូបគេមិនគាំទ្រទង្វើរបស់ទណ្ឌិត សម រង្ស៉ី នោះឡើយ ហើយក៏មិនចង់ឲ្យឧក្រិដ្ឋជនរូបនេះ វិលត្រឡប់មកប្រទេសកម្ពុជាវិញដែរ។

យុវតីរូបនេះ បានអះអាងទៀតថា ទង្វើរបស់ទណ្ឌិត សម រង្ស៉ី ដែលបានប្រមាថព្រះមហាក្សត្រ និងបានមើលងាយថ្នាក់ដឹកនាំរបស់ប្រទេសកម្ពុជា ជារឿងដែលមិនអាចទទួលយកបានឡើយ ហើយនោះជាទង្វើក្បត់ជាតិសុទ្ធសាធ។

យុវតីឃុំស្អាងភ្នំ បានលើកឡើងយ៉ាងដូច្នេះថា «ខ្ញុំមិនគាំទ្រទង្វើ សម រង្ស៉ី វិលចូលស្រុកខ្មែរវិញទេ ដោយសារ សម រង្ស៉ី បានជេរប្រមាថព្រះមហាក្សត្រ និងបានមើលងាយថ្នាក់ដឹកនាំប្រទេសកម្ពុជា ហើយមួយទៀតនោះ សម រង្ស៉ី ចង់ប្ដូររបបព្រះរាជាណាចក្រកម្ពុជា ទៅជារបបសាធារណរដ្ឋ ដែលជាទង្វើក្បត់ជាតិ»។

សូមជំរាបថា នៅក្នុងកិច្ចសម្ភាសន៍វិទ្យុអាស៊ីសេរី (RFA) នាយប់ថ្ងៃទី២០ ខែកញ្ញា ឆ្នាំ២០១៩ កន្លងទៅ, សម្តីជនថោកទាប ក្បត់ជាតិសាសន៍ ក្បត់ព្រះមហាក្សត្រគឺទណ្ឌិត សម រង្ស៉ី បានបន្តប្រមាថព្រះករុណា ព្រះបាទ សម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលជាទីគោរពដ៏ខ្ពង់ខ្ពស់បំផុតនៃរាស្រ្តខ្មែរ យ៉ាងធ្ងន់ធ្ងរបំផុតនៅក្នុងកម្មវិធី Hello VOA ដោយប្រើពាក្យប្រមាថធ្ងន់ៗបំផុត។

សម្តីជនថោកទាប សម រង្ស៉ី បាននិយាយយ៉ាងដូច្នេះថា៖ «...ព្រះមហាក្សត្រមិនដែលបើកព្រះនេត្រ ឃើញទុក្ខវេទនារបស់ប្រជារាស្រ្តខ្មែរទេ ព្រះមហាក្សត្រសព្វថ្ងៃ ដូចខ្ញុំនិយាយម្តងទៀត ចង់កាត់ទោសខ្ញុំមួយម៉ឺនដងទៀត អត់ខ្វល់ដែរ ព្រះមហាក្សត្រសព្វថ្ងៃ ជាចំណាប់ខ្មាំងរបស់ ហ៊ុន សែន ព្រះមហាក្សត្រសព្វថ្ងៃជាអាយ៉ងរបស់ ហ៊ុន សែន ព្រះមហាក្សត្រសព្វថ្ងៃ ធ្វើអ្វីតាមដែល ហ៊ុន សែន បញ្ជាឲ្យព្រះអង្គធ្វើទាំងអស់ ដូច្នេះព្រះមហាក្សត្រសព្វថ្ងៃ ជាព្រះមហាក្សត្រអត់បានការ អត់ប្រយោជន៍ ខ្ញុំអត់ចាប់អារម្មណ៍ អត់គោរពព្រះមហាក្សត្រសព្វថ្ងៃ....»។

រដ្ឋធម្មនុញ្ញនៃព្រះរាជាណាចក្រកម្ពុជា មាត្រា៧ បានចែងថា «អង្គព្រះមហាក្សត្រ មិនអាចនរណារំលោភបំពានបានឡើយ»។ មាត្រា៨ បានចែងថា «ព្រះមហាក្សត្រ ព្រះអង្គទ្រង់ជានិមិត្តរូបនៃឯកភាពជាតិ និងនិរន្តរ៍ភាពជាតិ។ ព្រះមហាក្សត្រ ទ្រង់ជាអ្នកធានាឯករាជ្យជាតិ អធិបតេយ្យ និងបូរាណភាពទឹកដីនៃព្រះរាជាណាចក្រកម្ពុជា ទ្រង់ជាអ្នកធានាការគោរពសិទ្ធិ និងសេរីភាពរបស់ប្រជាពលរដ្ឋ និងការគោរពសន្ធិសញ្ញាអន្តរជាតិ»។

ជនក្បត់ជាតិ សម រង្ស៉ី បានប្រកាសនឹងវិលត្រឡប់មកកម្ពុជាវិញនៅថ្ងៃទី០៩ ខែវិច្ឆិកា ឆ្នាំ២០១៩ខាងមុខ ដើម្បីប្រឆាំង និងផ្តួលរបបដឹកនាំដោយសម្តេចតេជោ ហ៊ុន សែន បច្ចុប្បន្ន។ ការវិលត្រឡប់នេះត្រូវបានរាជរដ្ឋាភិបាលកម្ពុជា ប្រកាសថា ជាការប៉ុនប៉ងធ្វើរដ្ឋប្រហាររាជរដ្ឋាភិបាលស្របច្បាប់ កើតចេញពីការបោះឆ្នោត៕

* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv