ពលរដ្ឋនៅសហគមន៍កសិកម្ម «តាសីសាមគ្គី» ខេត្តបាត់ដំបង រកចំណូលបានទាបបំផុត៥០០ដុល្លារក្នុងមួយខែ

Thanks! Share it with your friends!

You disliked this video. Thanks for the feedback!

ពលរដ្ឋនៅសហគមន៍កសិកម្ម «តាសីសាមគ្គី» ខេត្តបាត់ដំបង រកចំណូលបានទាបបំផុត៥០០ដុល្លារក្នុងមួយខែ

(បាត់ដំបង)៖ របរដាំបន្លែបានជួយធ្វើឱ្យប្រជាពលរដ្ឋប្រមាណ ១៤៣គ្រួសារនៅសហគមន៍កសិកម្ម «តាសីសាមគ្គី» ក្នុងឃុំតាម៉ឺន ស្រុកថ្មគោល ខេត្តបាត់ដំបង មានជីវភាពកាន់តែល្អប្រសើរ រហូតអ្នកខ្លះបានប្រែក្លាយពីផ្ទះខ្ទម មកជាផ្ទះធំទ្រនំខ្ពស់ថែមទៀតផង។ ដោយការប្រកបដរបរដាំបន្លែកាកកបខ្លាំងនោះ បានធ្វើឱ្យប្រជាពលរដ្ឋនៅសហគមន៍នេះ បានសម្រេចឈប់ធ្វើស្រែ ដោយយកដីស្រែទាំងនោះមកធ្វើជាចម្ការដាំបន្លែជំនួសវិញ។

លោក ណុប នុន ប្រធានសហគមន៍កសិកម្ម «តាសីសាមគ្គី» គឺជាបុគ្គលមួយរូបដែលបានផ្តួចផ្តើមគំនិតដាំដុះបន្លែនៅតំបន់នោះមុនគេ ហើយលោកបានឈ្មុសឈ្មុល និងព្យាយាមសព្វបែបយ៉ាង ដើម្បីអភិវឌ្ឍន៍ការដាំដុះរបស់លោក។

បើតាមលោក ណុប នុន តាមរបរដាំបន្លែនេះ បានធ្វើឱ្យប្រជាពលរដ្ឋក្នុងសហគមន៍របស់លោកទទួលបានចំណូលទៀបបំផុតក្នុងមួយខែ៥០០ដុល្លារ ខណៈអ្នកខ្លះរកចំណូលបានរហូតដល់ជាង ១ពាន់ដុល្លារ។

បន្លែដែលដាំដុះនៅក្នុងសហគមន៍នេះទទួលបានការគាំទ្រខ្លាំងពីអ្នកហូបចុក ព្រោះបន្លែនៅទីនេះជាបន្លែសុវត្ថិភាព ជាបន្លែដែលមិនប្រើថ្នាំគីមី ឬជីគីមី។ នេះជាការបញ្ជាក់របស់លោក ណុប នុន។

បច្ចុប្បន្នសហគមន៍នេះ ដាំដុះបន្លែបានជាមធ្យមប្រមាណ ៥០០គីឡូក្រាម ក្នុងមួយថ្ងៃ។ សហគមន៍បានដាក់គោលដៅដាំដុះបន្លែប្រមូលឱ្យបាន ២តោនក្នុងមួយថ្ងៃ។

លោក ណុប នុន បានអះអាងថា តាមរយៈរបរតាមបន្លែនេះ មិនត្រឹមតែជួយឱ្យអ្នកដាំដុះមានជីវភាពល្អប្រសើរនោះទេ ប្រជាពលរដ្ឋក្នុងភូមិដទៃដែលគ្មានលទ្ធភាពដៃ ក៏អាចរកចំណូលប្រចាំថ្ងៃបានដែរ តាមរយៈការស៊ីឈ្នួលកាត់បន្លែ។

ដើម្បីបានជ្រាបច្បាស់ភាពជោគជ័យនៃការដាំដុះបន្លែនៅសហគមន៍កសិកម្ម «តាសីសាមគ្គី» នេះ សូមទស្សនាបទសម្ភាសន៍រវាងអង្គភាពព័ត៌មាន Fresh News ជាមួយលោក ណុប នុន៖

#បន្លែ
#បាត់ដំបង
#ថ្មគោល
#តាសីសាមគ្គី
#ផ្ទះសំណាញ់
* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv