ប្រជាពលរដ្ឋខ្មែរ ចេញវីដេអូប្រកាសមិនគាំទ្រការវិលចូលស្រុករបស់ ទណ្ឌិត សម រង្ស៉ី

Thanks! Share it with your friends!

You disliked this video. Thanks for the feedback!

ប្រជាពលរដ្ឋខ្មែរ ចេញវីដេអូប្រកាសមិនគាំទ្រការវិលចូលស្រុករបស់ ទណ្ឌិត សម រង្ស៉ី និងអះអាងថា គ្មាន សម រង្ស៉ី ក៏អាចរស់បាន (Video inside)

(ភ្នំពេញ)៖ ប្រជាពលរដ្ឋខ្មែរ ដែលស្រលាញ់សន្តិភាព ស្រឡាញ់ភាពសុខសាន្តរបស់ប្រទេស ដោយបានចេញវីដេអូមួយ ដោយប្រកាសថា គាត់មិនគាំទ្រសម្រាប់ការវិលចូលស្រុករបស់ ទណ្ឌិត សម រង្ស៉ី ដែលកំពុងរត់គេចពីសំណាញ់ច្បាប់កម្ពុជានោះ។

តាមរយៈវីដេអូនោះ ពលរដ្ឋបានអះអាងថា បើទោះបីគ្មានលោក សម រង្ស៉ី នៅក្នុងប្រទេសកម្ពុជា ក៏ពួកគាត់អាចរស់នៅបានធម្មតាដែរ ព្រោះថាកន្លងមកលោក សម រង្ស៉ី មិនដែលបានជួយអ្វីគាត់នោះឡើយ។

ប្រជាពលរដ្ឋបានលើកឡើងយ៉ាងដូច្នេះថា «ខ្ញុំជាពលរដ្ឋរស់នៅឃុំស្អាងភ្នំ ខ្ញុំមិនគាំទ្រ សម រង្ស៉ី វិលចូលស្រុកនោះទេ។ ទោះបីគ្មាន សម រង្ស៉ី ក៏ពួកខ្ញុំរស់នៅបានសុខសាន្ដដែរ»។

សូមជម្រាបថា កាលពីយប់ថ្ងៃទី១២ ខែកញ្ញា ឆ្នាំ២០១៩ ជនក្បត់ជាតិ សម រង្ស៉ី ក្នុងកិច្ចសម្ភាសន៍ជាមួយវិទ្យុអាស៊ីសេរី បានប្រមាថយ៉ាងធ្ងន់ធ្ងរលើអង្គព្រះមហាក្សត្រ ជាថ្មីម្តងទៀត ដោយបានវាយប្រហារថា ព្រះមហាក្សត្រ ជា «ចំណាប់ខ្មាំង» និងជា «អាយ៉ង» របស់ សម្តេចតេជោ ហ៊ុន សែន និងចង់រក្សាតែរាជបល្ល័ង។

ជនក្បត់ជាតិ សម រង្ស៉ី បាននិយាយយ៉ាងដូច្នេះថា៖ «អ្នកនៅលើទឹកដីប្រទេសកម្ពុជា ជាចំណាប់ខ្មាំងរបស់ ហ៊ុន សែន សូម្បីព្រះមហាក្សត្ររបស់យើងក៏ជា ចំណាប់ខ្មាំងរបស់ ហ៊ុន សែន ដូច្នេះលោកអត់ហ៊ានធ្វើអី លោកខ្លាច ហ៊ុន សែន លោកចង់តែរក្សារាជបល្ល័ងលោក ដូច្នេះយើងទុកព្រះអង្គមួយអន្លើ យើងមិនអាចរំពឹងព្រះមហាក្សត្រ ដែលជាអាយ៉ងរបស់ ហ៊ុន សែន ដូច្នេះសព្វថ្ងៃនេះទេ»។

រដ្ឋធម្មនុញ្ញនៃព្រះរាជាណាចក្រកម្ពុជា មាត្រា៧ បានចែងថា «អង្គព្រះមហាក្សត្រ មិនអាចនរណារំលោភបំពានបានឡើយ»។ មាត្រា៨ បានចែងថា «ព្រះមហាក្សត្រ ព្រះអង្គទ្រង់ជានិមិត្តរូបនៃឯកភាពជាតិ និងនិរន្តរ៍ភាពជាតិ។ ព្រះមហាក្សត្រ ទ្រង់ជាអ្នកធានាឯករាជ្យជាតិ អធិបតេយ្យ និងបូរាណភាពទឹកដីនៃព្រះរាជាណាចក្រកម្ពុជា ទ្រង់ជាអ្នកធានាការគោរពសិទ្ធិ និងសេរីភាពរបស់ប្រជាពលរដ្ឋ និងការគោរពសន្ធិសញ្ញាអន្តរជាតិ»។

កាលពីថ្ងៃទី១៦ ខែសីហា ឆ្នាំ២០១៩ ទណ្ឌិត សម រង្ស៉ី បានប្រកាសអំពីកាលបរិច្ឆេទត្រឡប់មកកាន់ប្រទេសកម្ពុជា ជាថ្មីម្តងទៀត ដោយបញ្ជាក់ថា លោក និងថ្នាក់ដឹកនាំ អតីតគណបក្សសង្រ្គោះជាតិ ដែលនៅក្រៅប្រទេស នឹងត្រឡប់មកប្រទេសកម្ពុជា នៅថ្ងៃទី០៩ ខែវិច្ឆិកា ឆ្នាំ២០១៩ ខាងមុខនេះ។ ជាមួយនឹងការប្រកាសវិលត្រឡប់នេះ លោកក៏ប្រកាសឱ្យប្រជាពលរដ្ឋ ប្រឆាំងនឹងរដ្ឋាភិបាលផងដែរ៕


* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv