ទស្សនាវីដេអូ ចោរលួចសម្ភាររបស់ពលរដ្ឋ រស់នៅក្នុងបុរីឡាយគង់

Thanks! Share it with your friends!

You disliked this video. Thanks for the feedback!

ទស្សនាវីដេអូ ចោរលួចសម្ភាររបស់ពលរដ្ឋ រស់នៅក្នុងបុរីឡាយគង់ នៅសង្កាត់ដង្កោ (Video inside)



(ភ្នំពេញ)៖ យោងតាមវីដេអូដែលផ្ញើមកកាន់អង្គភាពព័ត៌មាន Fresh News បានឲ្យដឹងថា កាលពីពេលថ្មីៗនេះ មានចោរចូលទៅលួចសម្ភាររបស់ប្រជាពលរដ្ឋ រស់នៅក្នុងបុរីឡាយគង់ ដែលមានទីតាំងនៅភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ ដោយគ្មានខ្លាចញញើតអ្វីសោះឡើយ។

ម្ចាស់សម្ភារដែលត្រូវចោរលួច បានថ្លែងប្រាប់អង្គភាពព័ត៌មាន Fresh News តាមទូរស័ព្ទនៅយប់ថ្ងៃទី០២ ខែធ្នូ ឆ្នាំ២០១៩នេះថា ចោរបានចូលលួចទូរលក់នំរបស់ខ្លួន នៅក្នុងបុរីនោះបាន ដោយសារតែសន្តិសុខក្នុងបុរីគ្មានរឹតបន្តឹង ដែលធ្វើឲ្យចោរហ៊ានធ្វើសកម្មភាពស្តែងៗយ៉ាងដូច្នេះ។

លោកអះអាងថា សកម្មភាពលួចបែបនេះ បានកើតឡើងច្រើនដងរួចមកហើយ ប៉ុន្តែម្ចាស់បុរីឡាយគង់ ហាក់គ្មានចំណាត់ការអ្វីសោះឡើយ។ លោកបានសំណូមពរ ដល់ម្ចាស់បុរីមួយនេះ សូមមេត្តាគិតគូរដល់ការរឹតបន្តឹងសន្តិសុខ ដើម្បីឲ្យប្រជាពលរដ្ឋរស់នៅក្នុងបុរីទាំងអស់ មានសុខសុវត្ថិភាព ជាពិសេសអាចការពារលើទ្រព្យសម្បត្តិរបស់ពួកគាត់ផងដែរ៕

សូមទស្សនាវីដេអូខាងក្រោមនេះ៖* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv