កងពលតូចលេខ៧០ បង្ហាញអានុភាពទ័ព និងសព្វាវុធរបស់ខ្លួន ក្នុងថ្ងៃខួបកំណើត ២៥ឆ្នាំ

Thanks! Share it with your friends!

You disliked this video. Thanks for the feedback!

កងពលតូចលេខ៧០ បង្ហាញអានុភាពទ័ព និងសព្វាវុធរបស់ខ្លួន ក្នុងថ្ងៃខួបកំណើត ២៥ឆ្នាំ (Video inside)

(ភ្នំពេញ)៖ កងពលតូចលេខ៧០ នៅព្រឹកថ្ងៃទី១៤ ខែតុលា ឆ្នាំ២០១៩នេះ ក្នុងខួប២៥ឆ្នាំថ្ងៃកំណើតរបស់ខ្លួន បានបង្ហាញនូវអានុភាពកងទ័ព និងសព្វាវុធជាច្រើន តាមរយៈក្បួនព្យុហយាត្រាដែលមានរយៈពេលជិត១ម៉ោង នៅចំពោះមុខសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ថ្នាក់នាំជាន់ខ្ពស់ក្រសួងការពារជាតិ និងភ្ញៀវជាតិ អន្តរជាតិជាច្រើនរូប។

តាមរយៈព្យុហយាត្រានេះ បានបង្ហាញថា កងពលតូចលេខ៧០ ក្នុងរយៈពេល២៥ឆ្នាំមកនេះ ខ្លួនបានធ្វើសកម្មភាពយ៉ាងសកម្មក្នុងបុព្វហេតុជាតិមាតុភូមិ។ ជាពិសេសបានបង្ហាញសមត្ថភាពរបស់កងពលបានពង្រឹងកាន់តែប្រសើរ ដើម្បីបំពេញការងារ និងភារកិច្ចចូលរួមថែរក្សាសន្តិសុខ សណ្តាប់ធ្នាប់ និងសុខសន្តិភាពរបស់សង្គមជាតិ។

ក្រៅពីគ្រឿងសព្វាវុធផ្សេងៗជាច្រើនគ្រឿង ដែលបម្រើឲ្យវិស័យការពារជាតិ និងបូរណភាពទឹកដី កងពលតូចលេខ៧០ ក៏បានបង្ហាញនូវក្បាច់គុណ កងយោធពលខេមរភូមិន្ទ ដែលសម្ដែងកងទ័ពផងដែរ។

ភ្ញៀវជាតិ និងអន្តរជាតិ ដែលចូលរួមក្នុងពិធី និងបានទស្សនានូវព្យុហយាត្រានោះ បានសម្តែងនូវការចាប់អារម្មណ៍ខ្លាំងទៅលើការបង្ហាញយុទ្ធោបករណ៍ និងកងទ័ពដ៏អង់អាចនោះ។ ជាពិសេសភ្ញៀវជាតិ និងអន្តរជាតិ បានចាប់អារម្មណ៍ខ្លាំងទៅការបង្ហាញគ្បាច់គុណកងយោធពលខេមរភូមិន្ទរបស់កងទ័ព។

ថ្លែងក្នុងឱកាសនោះ សម្ដេចពិជ័យសេនា ទៀ បាញ់ ក៏បានសម្ដែងនូវការកោតសរសើរ ដល់កងពលតូចលេខ៧០ ដឹកនាំដោយលោកឧត្តមសេនីយ៍ឯក ម៉ៅ សុផាន់ មេបញ្ជាការ ដែលបានកិច្ចខិតខំប្រឹងប្រែងអភិវឌ្ឍន៍ខ្លួន។ ពិសេសបានដឹកនាំបញ្ជាកងកម្លាំង ព្រមទាំងកសាងអង្គភាពកាន់តែរីកចម្រើនពីមួយថ្ងៃទៅមួយថ្ងៃ ដើម្បីត្រៀមទទួលរាល់បទបញ្ជារបស់ប្រមុខនៃរាជរដ្ឋាភិបាល។

ជាមួយគ្នានេះ លោកឧត្តសេនីយ៍ឯក ម៉ៅ សុផាន់ ក៏បានប្រកាសយ៉ាងដាច់ណាស់ថា ត្រៀមជានិច្ចដើម្បីវាយកម្ទេច រាល់ការឃុបឃិតប៉ុនប៉ងបំផ្លាញសុខ សន្ដិភាព ដែលរកបានមកដោយលំបាក។ លោកមេបញ្ជាការ បន្ថែមទៀតថា កងទ័ព មានចិត្តស្មោះត្រង់ដាច់ខាតចំពោះជាតិ សាសនា ព្រះមហាក្សត្រ និងប្តេជ្ញា ការពាររដ្ឋធម្មនុញ្ញ ការពារព្រះមហាក្សត្រ ការពាររាជរដ្ឋាភិបាលស្របច្បាប់ ការពារសុខសន្តិភាព អធិបតេយ្យភាព បូរណភាពទឹកដី ឲ្យបានស្ថិតស្ថេរ រឹងមាំជាអមតៈ៕
#កងទ័ព
#អាវុធ
#កម្ពុជា


* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv